Започна судењето за несреќата кај Ласкарци, присутни и газдата и возачот на „Дурмо турс“
Објавено во: Македонија 05 Септември, 2019
Денеска започна судењето за автобуската несреќа на патот Тетово - Скопје во февруари кај Ласкарци, во која при превртување на автобус на „Дурмо турс“, загинаа 16 патници, а за газдата Дурмиш Белули и возачот Маноил Трифуновски беше одреден притвор.
Во судницата ви Кривичниот суд во Скопје присутни беа и останатите обвинети, Рамзи Мифтари, Игор Ѓорѓиевски, Горан Дуковски и Јане Боваровски. Обвинител за овој случај е Дарко Јакимовски, а судии Диана Груевска Илиевска и Александра Ристеска и тројца судии поротници.
„Дејствијата на овие обвинети се во директна врска со настапената последица која резултираше со смрт на 16 лица патници во автобусот, а 38 лица се здобија со телесни и тешки телесни последици. Не постои криминален ребус кој не може да се одгатне. Овој настан е кумулација на голем број пропусти кои не настанле спонатно“, рече обвинителот Јакимовски.
Обвинителниот акт од страна на Јавното обвинителство пред еден месец беше целосно прифатен од страна на Кривичниот суд против шестемина обвинети кои се однесувале неодговорно пред да се случи трагедијата на патот Тетово - Скопје во која во февруари годинава загинаа 16-мина патници, а 37 беа тешко повредени.Основното јавно обвинителство на 1 јули поднесе шест обвиненија поврзани со обвинети од „Дурмо турс“. Уште од 2 јули минатата година сопственикот на претпријатието и шефот, кој патем не поседувал сертификат за професионална компетентност во патниот сообраќај, не го почитувале безбедносниот протокол пред да се преврти автобусот на 13 февруари 2019 и се обвинети за тешки дела против безбедноста на луѓето и имотот во сообраќајот