Запрен е проектот за изградба на „Турски поток“
Објавено во: Балкан 03 Декември, 2015
Проектот за изградба на гасоводот „Турски поток“ е прекинат. Ова го соопштил министерот за енергетика на Русија, Александар Новак. „Преговорите се прекинати“, изјавил тој.
На 1 декември Владата на Русија ja донесе одлуката за прекин на активностите на мешаната руско-турска комисија за трговско-економската соработка, која од руска страна е предводена од енергетскиот министер Новак. Извор запознат со преговорите помеѓу двете земји за дискусијата на проектот „Турски поток“ ќе биде запрена во врска со прекинот на работата на меѓувладината комисија Русија-Турција.
Подготовката на договор помеѓу Москва и Анкара за гасоводот се засили во рамките на оваа руска-турска комисија. Се очекуваше договорот да биде потпишан овој месец или во јануари следната година. Договорот за изградба на „Турски поток“ беше постигната во декември 2014 година.
На 1 декември, премиерот на Русија, Дмитриј Медведев потпиша декрет за усвојување на специјални економски мерки против Анкара, декретот од 30 ноември утврдува листа на забранети во Русија земјоделски производи, сирење и прехранбени производи со земја на потекло Турција од почетокот на следната година. Ограничувањето не се однесува на стока увезена за лични употреба, дозволена во одредбите на Евроазиската економска унија.
Првично немаше информации дека гасоводот „Турски поток“ и проектот за нуклеарната централа „Акјују“ ќе влезат во листата со руските економски санкции спрема Русија. Текстот на документот не вклучуваше какви и да се мерки во сферата на енергетиката.
Вчера, турскиот премиер Ахмет Давутоглу изјавил дека неговата земја презела соодветни мерки спрема Русија. Мерките се компезаторни и се однесуваат на извозниците на производи во Русија, кои ги трпат последиците од руските ограничувања.
Односите помеѓу двете држави се влошија по соборувањето на рускиот авион „Су-24“ од страна на Турција.