Заштитата на клиентите при подигање на малите и брзи кредити стигна на владина седница

Добивај вести на Viber

На предлог на Министерството за финансии, на редовната 102. седница во 12 часот, Владата ќе го разгледа предлог – законот за изменување и дополнување на законот за заштита на потрошувачите при договори за потрошувачки кредити.

Министерство за финансии пред четири месеци предложи изменување и дополнување на Законот за заштита на потрошувачите при договори за потрошувачки кредити. Со предлог-измените кои се поставени на Единствениот национален регистар на прописи, ЕНЕР, давателите на потрошувачки кредити на граѓаните им пресметуваат и наплатуваат високи трошоци за одобрените потрошувачки кредити, особено за кредитите одобрени во мали износи и со кратки рокови на отплата.

Целта на предлог-законот е граѓаните да не плаќаат прекумерни трошоци за потрошувачките кредити и да се минимизира ризикот од понатамошно влошување на состојбата на лицата кои имаат проблеми со отплата на кредитите. Затоа се предлагаограничување на годишната стапка на вкупни трошоци на потрошувачките кредити.

Годишна стапка на вкупни трошоци е односот меѓу вкупните трошоци на кредитот и износот на одобрениот кредит, со ко износот на одобрениот кредит се изедначува со износите на сите обврски по кредитот што треба да ги плати потрошувачот (отплата на главнина и вкупни трошоци на кредитот).

Според искуствата, завршните сметки на финансиските друштва кои оперираат со овој тип на кредити, овој потег значително ќе им ја отежне работата на и онака многуте вакви финансиски друштва а воедно ќе помогне кај доста граѓани кои се од најранливата група и истите ќе бидат заштитени во поглед на плаќањето многу високи суми на трошоци за позајмените пари.