14 Август, 2020
0.0437

Здравство призна дека е уништен сомнителен инсулин од паралелен увоз набавен во време на претходната власт

Објавено во: Македонија 08 Декември, 2019

Министерството за здравство преку соопштение го повика ВМРО-ДПМНЕ да одговори зошто набавувало сомнителен инсулин и да не манипулира на сметка на здравјето на пациентите. Уништувањето на инсулинот, посочуваат од Министерството, е од стоковите резерви и станува збор за инсулин набавен со паралелен увоз во време на ВМРО-ДПМНЕ, а неговото отстранување е направено со одлука на Владата.

– Нема да дозволиме нашите граѓани да користат сомнителен инсулин. Уништениот инсулин од паралелен увоз е вреден 330 илјади евра, а не еден ипол милион евра како што говорат во нивната прес-конференција. Еден од најголемите проблеми во здравството во владеењето на претходната Влада предводена од ВМРО-ДПМНЕ беше набавката на лекови со паралелен увоз и сомнителен квалитет, стои во соопштението.

Владата, посочуваат од Министерството, направи суштински реформи во здравствениот систем.

– Со донесените измени и дополнувања на Законот за лекови и медицински средства, сега сите пациенти со дијабетес имаат оригинални инсулини со сертификат за квалитет. Пациентите користат квалитетни и оригинални инсулини. Не е како порано пациентите да не знаат каков инсулин примаат. Прашајте ги пациентите дали беа задоволни од инсулините од паралелен увоз со сомнителен квалитет и потекло. И прашајте ги сега, колку се задоволни од новите инсулини кои се оригинални. Воведовме три нови типови на инсулини, кои се најнова генерација на лекови, истакнуваат од Министерството.

Наведуваат дека со укинувањето на паралелниот увоз на лекови го загарантирале квалитетот на инсулин и пациентите со дијабетес имаат најквалитетна терапија и во континуитет се снабдени со инсулин во соодветни рокови и со подобар квалитет. Апелираат до ВМРО-ДПМНЕ да престане да креира лажни вести и преку манипулации да собира дневно политички поени.

Од опозицијата пак преку соопштение велат дека Министерството за здравство денес го призна скандалот со уништување на инсулин со валиден рок, колку и да се крие зад манипулативни соопштенија. 

„Кога веќе го призна скандалот тежок 1,5 милиони евра, тогаш треба да се понесе и одговорност.

Уништени се количини од инсулин кој го произведува една од најреномираните светски компании, која со своето реноме стои зад квалитетот и не се работи воопшто за неквалитетен инсулин. Ги повикуваме министерството за здравство да ја објавата целата документација за ова скандалозно уништување и ако имаа храброст нека објаснат како инсулинот произведен од една од најреномираните светски компании бил неквалитетен.

Уништениот инсулин имал рок на употреба до 6 и 7 месец наредната 2020 година, што го отвора сомнежот дека крајната цел била да се создаде во наредниот период инсулинска криза во Македонија, која после би се менаџирала со интервентна набавка.

Оваа уништена количина има пазарна вредност од 1,5 милиони евра и за таа сума постои штета по буџетот за која некој треба да одговара“, реагираат од ВМРО ДПМНЕ.


Можеби ќе ве интересира

Институтот за јавно здравје денес регистрира намален број на активни случаи

Институтот за јавно здравје денес регистрира намален број на активни случаи

КОВИД СОСТОЈБА: Нови 160 заразени, 3 починати и 368 оздравени пациенти

КОВИД СОСТОЈБА: Нови 160 заразени, 3 починати и 368 оздравени пациенти

Еве кој ќе може да влезе во Грција без тест

Еве кој ќе може да влезе во Грција без тест

Пензионерите и корисниците на социјална помош - да не бараат одјава, туку да одат во банката преку која сакаат да им стигаат парите

Пензионерите и корисниците на социјална помош - да не бараат одјава, туку да одат во банката преку која сакаат да им стигаат парите

Кога Џафери ќе ја закаже конститутивната седница?

Кога Џафери ќе ја закаже конститутивната седница?

ЌЕ НАСТРАДААТ ЛИ САМО ДИРЕКТОРИТЕ НА ФИРМИТЕ-НЕПЛАЌАЧИ - до Обвинителството стигна барањето за кривичен прогон

ЌЕ НАСТРАДААТ ЛИ САМО ДИРЕКТОРИТЕ НА ФИРМИТЕ-НЕПЛАЌАЧИ - до Обвинителството стигна барањето за кривичен прогон

Д-р. Беќаровски: Летово нема настава, а уриваме рекорди во број на новозаразени

Д-р. Беќаровски: Летово нема настава, а уриваме рекорди во број на новозаразени

Македонец се вратил на работа во Белгија без да оди во карантин

Македонец се вратил на работа во Белгија без да оди во карантин

Од утре од Македонија во Србија со ПЦР-тест

Од утре од Македонија во Србија со ПЦР-тест