ЗЕЛЕНАТА ПАРТИЈА НА ИСПИТ, ВРИЕ ВО ДОМ - се бара оставка од Морачанин, таа вели, тоа се поединци
Објавено во: Македонија 09 Август, 2021
Во „зелената“ партија ДОМ, деновиве пслабо се занимаваат со зеленило, а повеќе со раздорот, кој со денови ја следи партијата.
Вчера јавноста беше „потресена“ со уште една работа поврзана со ДОМ, откако минатата недела беше сменета директорката на Државниот инспекторат за заштита на животната средина, Ана Петровска, која потекнува од таа партија.
Имено, од името на 17 општински организации, дел од членовите во партијата, вчера бараа оставка од Маја Морачамин, претседателка на партијата. Според нив, под раководство на Морачанин наводно била напуштена идејата на зелена партија. Тие рекоа и дека во партијата односите биле недемократски.
„Маја Морачанин со актуелното раководство се само лица поединци без поддршка од општинските организации на партијата. Тие се интересираат само да приграбат нови позиции, жестоко се пресметуваат со секој неистомисленик. Од Маја Морачанин бараме оставка“, изјавија дел од нив.
Сите овие обвинувања експресно беа отфрлени од Морачанин. Претседателката на партијата негира дека зад групата која бара оставка од неа, стојат 17 општински организации. Односно, како што вели Морачанин, тоа билетуку дека тоа се само неколку поединци.
„Не е точно дека 17 општински организации бараат оставка, тоа се десетина поединци кои што немаат право да зборуваат во името на членовите на општинските организации бидејќи членовите на општинските ниту се консултирани ниту воопшто знаат за вакво случување. Значи, тоа не е точно, тие си зборуваат во свое лично име. Се работи за неколку поединци кои веројатно мотивирани од некои свои лични побуди, но верувам и од некои други политички агенди.“, изјави Морачанин.
Н.Н.Ф.