Жителите на Идомени се креваат против имигрантите

Добивај вести на Viber

Жителите на грчкото село Идомени до границата со Македонија ќе ги блокираат автобусите со мигранти.

"Ако до вторник мигрантите не си одат од селото, ние ќе дејствуваме спрема оние кои немаат право да ја преминат грчко-македонската граница", изјави локалната раководителка Ксантула Супли.

"Нема да пуштиме ниту еден автобус во Идомени. Ситуацијата не може да продолжи. Трпението ни помина", рекла таа.

Според Супли руралните жители, кои се околу стотина и главно возрасни луѓе, често се соочуваат со дрски однесување на некои мигранти, кои не се од трите националности, на кои им е дозволено да ја преминат границата - Сиријци, Ирачани и Авганистанци.

"На почетокот немаше проблеми. Но, сега треба да се заклучуваме. Тие (мигрантите) ни влегуваат во дворовите, крадат кокошки, ни ја горат покуќнината од дворовите, за да се топлат", раскажува жителката Емануела Михалиду. Отпрвин жителите им помагаа на мигрантите со храна и облека, но нашите сили се исцрпени. Ситуацијата почна да се менува во средината на август 2015 година, кога бегалскиот поток се зголеми. Еден ден во селото со 100 жители имаше 9 500 мигранти ", раскажува таа.

Според Михалиду во селото треба да доаѓаат само оние на кои им е дозволено да ја преминат границата со соседната држава. "Властите треба да ја подобрат оваа ситуација", истакнала таа.