Зибери: Не сум член на политичка партија
Објавено во: Македонија 28 Јануари, 2021
Насер Зибери за прв пат излезе во јавност откако стана народен правобранител и во емисијата „Клик Плус“ на ТВ21 рече дека не е член на ниту една политичка партија. За принципот опозицијата да предлага народен правобранител вели дека не бил прифатлив затоа што таа понудила свој партиски предлог.
„Ние треба да имаме и премиер Албанец. Тоа не е неостварливо. Не е важно дали ќе бидам јас или друг, но добра порака за соживот е да има во иднина премиер Албанец, и тоа ќе биде“, напомена Зибери кој додаде дека ова прашање и натаму не е затворено.
Доскорешниот нотар и поранешен министер за труд и социјална политика сепак вели дека тешко се носел со притисокот да биде кандидат за прв премиер Албанец.
„Се убедувавме со денови со Али Ахмети. Бев скептичен. Но, Ахмети важи за човек со визија. Успеа да направи доста работи за Албанците. Почнав да верувам и денес верувам дека премиер Албанец ќе има. Дали јас или друг, но тоа ќе биде“, изјави Зибери во „Click Plus“ на ТВ21.
Вели дека не е прифатлив предлогот на одредени струи Македонија да воведе државен секретар кој би бил етнички Албанец.
„Да се понуди како алтернатива државен секретар мислам дека е непринципиелно и затоа не сум подготвен да ги прифатам нивните забелешки во врска со ова“, додаде тој.Можеби ќе ве интересира
ПЕТРОВСКА ВЕЛИ ДЕКА ВМРО-ДПМНЕ ГО ЗАМЕНИЛА ИМЕТО МАКЕДОНИЈА ВО СТАТУТОТ СО „ДРЖАВАТА“: Стојаноска сe закани дека ќе ги фрли листовите
КАСАМИ: Ќе има европска влада во која коалицијата „Влен“ веќе е најавено дека ќе биде дел
БУГАРСКИ ДНЕВНИК: Странска интервенција од неочекуван правец ги смени македонските избори
ЛЕВИЦА: Ќе изградиме споменик за бранителите од Вејце
ДЕМИРИ: Ако Клиниката за токсикологија не била осигурaна, менаџментот треба да преземе одговорност
Ковачевски: По изборите ќе има партиски избори во СДСМ
„НЕ НИ ЛИЧИ НА НАМ ОД СДСМ ДА ЗАСТАНЕМЕ И ДА НЕ СЕ БОРИМЕ“: Спасовски преку фејсбук мобилизира, „Не смееме да се откажеме од иднината“
Анкетата на МКД.мк и Маркет најпрецизна за првиот круг претседателски избори
