ЖИВОТ НА РАТИ: Стасаа домаќинствата да должат колку и фирмите
Објавено во: Економија 22 Ноември, 2018
Нешто над пет милијарди евра должат македонските домаќинства и фирмите во домашните банки заклучно со октомври годинава. На годишно ниво кредитите се зголемени за 8,2 проценти. Сепак од месец во месец зголемувањето на задолжувањето кај семејствата резултираше до највисоко приближување на сумата која ја должат граѓаните до таа која по основ на кредити ја земале фирмите. Пред две години разликата во двата сектори била поголема, сега се речиси изедначени. Имено од овие пет милијарди евра или 313 милијарди денари, семејствата должат 154,3 милијарди денари, додека долгот на корпоративниот сектор е 157,3 милијарди денари. На крајот на 2016 година, домаќинствата должеле 129,3 милијарди денари, а фирмите 154,2 милијарди денари.
Ова го докажува податокот дека банките не дообруваат лесно кредити на фирмите, акредитниот раст најмногус еодлжи на се поголемото задолжување на домаќинствата.
„Во октомври, вкупните кредити забележаа раст на месечно ниво од 0,5 проценти и од 8,2 проценти на годишно ниво. Кредитниот раст на месечно и годишно ниво во поголем дел произлегува од зголемувањето на кредитирањето на секторот „домаќинства“ чие учество во вкупниот раст е 89 проценти, велат од Народната банка.
Инаку во октомври, анализирано според намената на кредитите одобрени на физичките лица најзастапени се потрошувачките и станбените кредити. Кај овие категории растот е двосифрен. Или потрошувачките кредити пораснале за 11,7 проценти, а станбените за 16,1 отсто.
На годишно ниво има пад на автомобилските
кредити и кредитите одобрени на кредитни картички.
А.Т.