Заев: Градиме пријателство со Бугарија, не треба да заборавиме кој ни помага

Добивај вести на Viber

„Јас сум многу внимателен човек. И правам се што е возможно за градење на пријателство. Гледате дека ја оставам суетата настрана. Република Бугарија е партнер на Македонија“. Ова го кажа македонскиот премиер Зоран Заев по повод изјавата на бугарскиот претседател Румен Радев. 

„Бугарија го демонстрира ова партнерство постојано. Таа ја организира средбата за Западен Балкан во ЕУ. Таа ги поддржа сите страни, вклучувајќи и Република Македонија“, истакна Заев и додаде дека министрите за надворешни работи на Бугарија и Грција се бореле сеедно за сопствената татковина да и овозможи на Република Македонија да добие датум за почеток на преговорите.

„Сето ова го повторувам, бидејќи не е во ред да ги заборавиме овие работи. Треба да го почитуваме оној кој ни помага! Македонија секогаш ќе помага за се што е потребно на Бугарија. Ги повикувам сите заедно да ги ставиме настрана политичките интереси, голиот популизам и она што нè тера да бидеме помалку внимателни“, додаде премиерот. 

„Договорот за пријателство и добрососедство го потврди сето ова со нашите потписи. Ние сепак треба да го почитуваме и надградуваме пријателството, што е од заемен интерес и за двете држави и, пред сè, за идните генерации. Ние веќе одбележуваме нашата заедничка историја и тоа е дел од вкупната нашата историја“, рече премиерот на Зоран Заев.