Зошто терористите ја напаѓаат Европа, а не САД ?

Добивај вести на Viber

Со подемот на Исламската држава, Европа стана мета на терористички напади. Последен удар претрпи Белгија, каде завчера загинаа 34 луѓе, а над 230 беа повредени во самоубиствени терористички напади.

Но, зошто ЕУ стана главна цел на терористите пред некои други светски сили како на пример САД?

Според зборовите на експертите комбинација на фактори објаснува зошто нападите не се случиле во САД, туку во Брисел.

Една од причините е големиот апарат на службата на национална безбедност, објаснува Роберт Мекфаден, специјален агент на  NCIS, во пензија, исто така Американците можат да им се благодарни и на силните мерки на безбедност на границите, тврди поранешниот поранешен агент на ЦИА, Патрик Скинер.

Друг важен фактор е големиот број на Европјани во редовите на ИСИС.

Најголем број Европејци, по глава на жител, кои се придружиле на терористичката организација во Сирија и Ирак, доаѓаат токму од Белгија, а многумина од нив се од Малбек, покажаа истражувањата на Соуфан групата, која со години наназад го следи движењето на џихадистите.Од другите европски земји во џихад заминале илјадници луѓе. Од друга страна, бројот на Американци, тренирани од страна на екстремистичката група е неколку десетици, и тие не се враќале дома, за разлика од Европејците.

А тука се и поддржувачите на ИСИС, кои никогаш не ги напуштија своите домови, но се радикализирани од оние кои се вратиле.

“Доволно се 15 луѓе кои навлегле во радикализам за да се создаде ќелија способна да изврши напад“, објаснува Скинер.

Европа стана некој вид на база за регрутирање членови во ИСИС. Терористите не ги одбираат случајно градовите кои ги напаѓаат. Од 2012 година до 2015, повеќе од 400 луѓе отпатувале од Белгија во Ирак и Сирија, за да му се придружат на ИСИС. Во тој период, од Франција таму заминале околу 1.200 луѓе. На овој начин, Париз и Брисел станаа европски престолнини кои даваат најголем број на странски милитанти на Блискиот Исток.

Друга причина е и бегалската криза која не стивнува и која ИСИС ја користи како иструмент за регрутирање на нови членови. Во 2015 година во Европа пристигнаа повеќе од милион бегалци – од почетокот на оваа година, 135 илјади. Кризата со мигрантите претставува одлична можност за терористите да направат раздор меѓу муслиманите и Западот. Многу европски лидери им пркосат на исламистите, изјавувајќи дека ќе прифаќаат само бегалци – христијани.