Зошто Тевдовски ретерираше од границата над 60.000 денари?

Добивај вести на Viber

Експертите велат дека македонската Влада и министерот за финансии Драган Тевдовски предизвикуваат сомневање во успешноста во воведувањето на прогресивниот данок што беше најавен денеска затоа што е првичната граница за месечните примања.

Тевдовски денеска на прес-конференција објави дека ќе се оданочуваат за дополнителни осум отсто оние кои добиваат поголема месечна плата од 90.000 денари месечно. Досега со рамниот данок се оданочуваат сите граѓани со 10 отсто.

- Досега се најавуваше дека ќе бидат прогресивно оданочувани оние кои имаат плата поголема од 60.000 денари, а сега изненадува тоа што границата е подигната над 90.000 денари. Како и да е тоа ќе биде на товар на фирмите-работодавачи и најмногу ќе бидат погодени дејностите во финансискиот сектор и ИТ-секторот - вели нашиот соговорник кој е поранешен кандидат за претседател на СДСМ и економски експерт.

Тевдовски најави дека овој данок ќе го плаќаат еден отсто од вработените и од него ќе се соберат околу 25 милиони евра - пари кои ќе се пренаменат за поголема социјална сигурност.

- Многу е важен и моментот од кого се зафаќа овој данок, бидејќи од тие од кои ќе се „соббира“ не мора да значи дека се богати. Богати се тие што имаат, на пример, по три стана и од нив треба да се одземе за да им се даде на посиромашните. Како второ не би се согласил дека тие средства треба да се пренасочат за да се подобри социјалната нееднаквост. Ситуацијата во македонската економија во тој случај ќе остане иста. Подобро би било со тие пари да се субвенционираат млади претприемаи кои би отвориле свој сопствен бизнис и од таа дејност потоа државата ќе наплаќа даноци - вели нашиот соговорник.

Александар Кузмановски