Со какви температури се разбуди Македонија?
Објавено во: Македонија 26 Октомври, 2017
Македонија утрово се разбуди со ниски утрински температури, а во некои градови таа се спушти и до нула степени.
Нула степени утрово се измерени во Дебар и Делчево, а до 1 степен се спушти температурата во Берово.
„Сведоци сме на една есен во која владеат релативно потпросечни температури на воздухот за една есен што значи температурите се пониски од нормалните и времето е постудено. Во последниот период исто така зачестија и врнежите кој веќе на повисоките планински места се во форма на врнежи од снег па така со последниов студен и влажен бран истите успеаја да направат снежна покривка која во регионот на повисоките места веќе достигнува и до околу 30 цм па така некој центри веќе ја отворија зимската сезона. Кај нас на највисоките предели на Шар Планина исто така е отворена зимската сезона. Сето ова на многу граѓани им звучи чудно особено кога најавуваме нов студен бран и снег но нема потреба за чудење затоа што и покрај оваа ситуација кај нас ова е сосема вообичаено за овој дел од годината поради тоа што сме на директен удар на студените и поларни воздушни маси од север и североистокот на Европскиот Континент. Исто така ова е доказ дека нема никакво глобално затоплување за кое толку многу се зборува и за климатските промени кој се лажни“ - пишува метеорологот Славчо Попоски во својата анализа на Метеомакс.
Заладување во земјава ќе има и за време на викендот.