13 Јуни, 2025
0.0324

МИНИСТЕРСКИ МАТЕМАТИКИ: Таравари замина, кому ќе му припадне неговото место?

Објавено во: Македонија 13 Мај, 2025 08:40

Добивај вести на Viber

Лидерот на Беса Билал Касами изјави дека во Владата имало разговори какви комбинаторики да се направат во однос на министерските места што би се испразниле со заминувањето на АА и Арбен Таравари во опозиција. Таравари, кој е министер за здравство, вечерва најави дека тој и АА излегуваат од Владата и дека преминуваат во опзиција. 

Касами, кој е еден од лидерите во Влен, дел од владејачката коалиција, во интервју за „360 степени“ рече дека не ја исклучува можноста Влен да го даде Министерството за здравство на ВМРО-ДПМНЕ, а за возврат да добие друг ресор. Неофицијално, според „360 степени“ се разгледува можноста ресорот образование да му припадне на Влен, а со здравството да раководи кадар на ВМРО-ДПМНЕ

-Ние со премиерот, односно со претседателот на ВМРО-ДПМНЕ, преговаравме како ВЛЕН и договорот е меѓу ВЛЕН и ВМРО-ДПМНЕ за составување на Владата. На последните средби со премиерот уште еднаш е потврдено дека остануваме на истите заложби. Значи, договорот останува меѓу ВМРО-ДПМНЕ и ВЛЕН и остануваат сигурни позициите на ВЛЕН, рече Касами. 

На прашањето, дали тој најавува реконструкција на Владата, Касами вели дека е можно, но не во пошироки размери.

-Можно е. Не во пошироки размери, но во некои комбинаторики сигурно ќе има, рече меѓудругото Касами.

Во однос на бројот на пратениците, лидерот на Беса тврди дека наскоро, можеби уште во текот на оваа недела, ќе се зголеми бројот на пратеници кои ќе мигрираат во владејачкото мнозинство.  

-Можам да гарантирам дека веќе сме во сериозни преговори со повеќе пратеници и од албанската опозиција и од другите членови на другите заедници кои се дел од сегашниот „Европски фронт“, рече Касами.

Кога ќе се отвори вратата, ако некој излезе, посочува тој, можноста за повеќемина да влезат е голема и затоа може да гарантира дека оваа влада ќе ја зголеми поддршката во Парламентот.

-Значи, од ’Европски фронт’ и од структурата на Таравари. Јас ценам дека Алијанса на Албанците ќе си остане и во ВЛЕН и во Владата. Со колку пратеници, ќе се знае во текот на неделата, откако викендов и самиот Таравари кажа дека ќе си оди од Владата. Исто така и премиерот го кажа својот збор, што ние сме го кажале одамна, дека соработка со ДУИ и останување во Влада не е возможно, рече Касами.

На новинарско прашање како владејачкото мнозинство очекува да има бадентерово мнозинство во Собранието, имајќи предвид дека и досега имаа проблем со т.н. „голем бадендер“, Касами вели дека може да гарантира оти со новата комбинаторика ќе имаат бадентер бидејќи во владејачкото мнозинство ќе има повеќе пратеници од другите етнички заедници во државата кои се потребни за бадентер.

Според Касами, Арбен Таравари избрал да ја игра улогата на тројански коњ и цело време правел притисок одвнатре за да нема резултати. На прашањето како го коментира ставот на Таравари, кој тврди дека дури 70% од етничките Албанци се незадоволни од позицијата на ВЛЕН во Владата, Касами го обвинува токму Таравари како извор на проблеми во коалицијата. Пред доаѓањето на Таравари во коалицијата не се зборуваше за поделби, туку за соединување, рече, меѓудругото, Касами.


Можеби ќе ве интересира

Успешно изведени две трансплантации на коска од починат донор на Клиниката за ортопедски болести при ТОАРИЛУЦ

Успешно изведени две трансплантации на коска од починат донор на Клиниката за ортопедски болести при ТОАРИЛУЦ

Утрото ми почнува со поглед кон вулканот кој лани неколкупати еруптираше и е одалечен од мојот дом само 20 километри: Љупка Тепева за животот во Исланд

Утрото ми почнува со поглед кон вулканот кој лани неколкупати еруптираше и е одалечен од мојот дом само 20 километри: Љупка Тепева за животот во Исланд

ВОЗДУШНИОТ ПРОСТОР Е ЗАТВОРЕН, АЕРОДРОМИТЕ НЕ РАБОТАТ: Пристигна итно предупредување од МНР за македонските граѓани

ВОЗДУШНИОТ ПРОСТОР Е ЗАТВОРЕН, АЕРОДРОМИТЕ НЕ РАБОТАТ: Пристигна итно предупредување од МНР за македонските граѓани

НА ВЛАДИМИР МУ СЕ ГУБИ СЕКАКВА ТРАГА: Исчезнал вчера во четири часот, има 36 години

НА ВЛАДИМИР МУ СЕ ГУБИ СЕКАКВА ТРАГА: Исчезнал вчера во четири часот, има 36 години

СЕ РАБОТЕШЕ ДО САБАЈЛЕ, СИНДИКАТОТ ПОКРАЈ УАПСЕНИТЕ ПОЛИЦАЈЦИ ЗА КОЧАНИ: „Нема да дозволиме истрагата да се користи за политички поени и калкулации“

СЕ РАБОТЕШЕ ДО САБАЈЛЕ, СИНДИКАТОТ ПОКРАЈ УАПСЕНИТЕ ПОЛИЦАЈЦИ ЗА КОЧАНИ: „Нема да дозволиме истрагата да се користи за политички поени и калкулации“

НИКОЈ НЕ МУ ПРИФАТИ ШИРЕЊЕ НА КАВГАТА НАДВОР, ПА МОРА ДА СЕ КАРА ДОМА: Величковски за Мицкоски и нападите на Османи

НИКОЈ НЕ МУ ПРИФАТИ ШИРЕЊЕ НА КАВГАТА НАДВОР, ПА МОРА ДА СЕ КАРА ДОМА: Величковски за Мицкоски и нападите на Османи

„МАКЕДОНИЈА ПОЛЕКА НО СИГУРНО СТАНУВА МАЛА СРБИЈА“: „Па ајде јунаци, да ја вратиме ѕвездата на знамето и грбот“, вели критички Салиу

„МАКЕДОНИЈА ПОЛЕКА НО СИГУРНО СТАНУВА МАЛА СРБИЈА“: „Па ајде јунаци, да ја вратиме ѕвездата на знамето и грбот“, вели критички Салиу

НА МОБИЛЕН ЌЕ ВИ СТИГНЕ ПОРАКА ДЕКА СТЕ НАПРАВИЛЕ ПРЕКРШОК: Еве како ќе функционира Сејф сити

НА МОБИЛЕН ЌЕ ВИ СТИГНЕ ПОРАКА ДЕКА СТЕ НАПРАВИЛЕ ПРЕКРШОК: Еве како ќе функционира Сејф сити

ФАКТОР НА ДЕНОТ: Уапсени се полицајци за пожарот во Кочани

ФАКТОР НА ДЕНОТ: Уапсени се полицајци за пожарот во Кочани