Проф. д-р Крлиу: Секогаш сме биле предводници на новите идеи, УАКС продолжува да расте и да менува животи преку образование
Проф. д-р Крлиу: Нашата заложба е да создадеме граѓани на светот – тоа се гледа во секој наш студент

Објавено во: Мои пари 11 Мај, 2025 13:35
Во рамки на одбележувањето на 20-годишниот јубилеј, Универзитетот Американ Колеџ Скопје (УАКС) уште еднаш ја потврди својата заложба да биде универзитет кој не само што ќе пренесува знаење, туку и ќе го обликува начинот на кој што општеството размислува, делува и се развива.
На свечениот настан, протекторката за настава и претседателката на Одборот на директори, проф. д-р Венера Крлиу истакна: „Пред дваесет години, кога го основавме Американ, имавме една идеја – која беше храбра, можеби и амбициозна – но беше многу конкретна и јасна. Да создадеме образовна институција која ќе гради кариери, но пред сѐ карактери, која ќе го трансформира општеството преку знаење и ќе ги следи највисоките светски стандарди на академска извонредност. Нашата заложба била и останува да создадеме граѓани на светот – и навистина е задоволство да се види тоа во секој еден наш студент.”
Во тој дух, УАКС најави дека почесната титула Професор Honoris Causa ќе ѝ биде доделена на проф. д-р Светлана Мојсов, светски призната биохемичарка, професорка на Универзитетот Рокфелер и член на Американската академија на науки. Проф. Мојсов е најпозната по своето револуционерно откритие во лекувањето на дијабет – со огромно позитивно влијание врз милиони луѓе во светот.
Во рамки на јубилејната година, УАКС ќе реализира низа тематски настани, вклучително и голем едукативен форум во ноември, посветен на иднината на образованието во Македонија и пошироко. Форумот ќе ги обедини истакнати професори, институционални лидери и визионери од земјата и регионот.
“Тој ќе биде точка на пресврт, клучен момент од кој ќе произлезат многу нови идеи, важни за образованието во земјата. Секогаш сме биле предводници на новите идеи, така ќе биде и понатаму.” рече проф. Крлиу
Како што беше истакнато на вчерашниот настан, УАКС продолжува да предводи со интегритет, љубопитност и посветеност кон напредокот – докажувајќи дека образованието, кога е длабоко вкоренето во вистинските вредности, има моќ да создава трајна промена.
Можеби ќе ве интересира
„Како до здрави навики“ – нов водич за поздрав живот промовиран од Здружението на лекари специјализанти

„Аџибадем Систина“ домаќин на трката „Croatia osiguruvanje business run 5K 2025

Од канцеларија до кеј – компаниите покажаа спортски дух во Скопје Croatia Osiguruvanje Business Run 5K

СТЦ Белград и СТЦ Сараево - Мост за зајакнување на регионалната економска соработка

Генерално собрание на CEFA 2025 во Солун: Ново раководство, стратешка визија и ново поглавје по повод 30-годишнината на CEFA

Ново поглавје за Флекс Кредит – пристигнавме и во Црна Гора!

Не ги одложувајте плановите: Обезбедете до 1.000.000 денари уште денес – Минт Промо Потрошувачки кредит
