30 дневен притвор за милијардерот Мишковиќ и за неговиот син

Добивај вести на Viber

Доцна синоќа,  судијата на специјалниот суд им одреди 30 дневен притвор на Мирослав Мишковиќ, неговиот син Марко, Мило Ѓурашковиќ и уште четворица осомничени за малверзации. Притвор заработија и  Зоран Михајловиќ, Дејан  Јевтиќ, Ристо Ристиќ и Рашо Здравко. Од слобода ќе се бтанат Милутин Гашевиќ, Зоран Каитовиќ и Предраг Филиповиќ. По завршувањето на сослушувањето вчера околу 20.30 часот обвинителството  нареди истрага против сите десет осомничени, предводени од страна на сопственикот на Делта холдинг, под сомневање дека со злоупотреба на службената должност извлекувале пари од претпријатијата за патишта и незаконски се здобиле со сума од  околу 30 милиони евра. Како што синоќа изјави обвинителот, Миљко Радосављевиќ,  Обвинителствотото предложило 30 дневен притвор за сопственикот на „Делта холдинг“  Мирослав Мишковиќ, неговиот син, Марко Мишковиќ, сопственик на „Нибенс група",  и уште петмина од останатите  осомничени замалверзации при приватизацијата на патните претпријатија. За двајца од осомничените, поранешниот на  директор на Нишкото претпријатие за патишта  Милутин Гашевиќ и Зоран Михајловиќ обвинителството не побара притвор, туку само забрана за напуштање на државата како и одземање на пасошите, појасни  Радосављевиќ. Во делот на исказите на осомничените, обвинителот за српските медиуми изјавил главно дека сите ги негирале наводите изнесени во кривичната пријава, но  и дека Обвинителството сега е сигурно оти  постои основано сомневање за сторено кривично дело за кои тие се обвинети. Последен беше сослушан сопственикот на „Делта холдинг“, Мирослав Мишковиќ, а пред него вчера во Јавното обвинителство биле сослушани и неговиот син Марко инаку сопственик на „Нибенс група“, како и сопствениците  на „Шер корпорација“ и на „Претпријатие за патишта Ниш“  , додека завчера пред истражните органи излегоа и останатите седуммина осомничени за злоупотреба на претријатието за патишта.