7 држави се заканија со вето за европскиот буџет, земјоделците на протест во Брисел

Добивај вести на Viber

Летонија и Италија се приклучија на земјите од Европската унија (ЕУ), кои се закануваат да стават вето за буџетот на Унијата, соопшти онлајн изданието „EurActiv.com“. Со нив, 7 држави остануваат незадоволни од предлог-буџетот заедно со Австрија, Велика Британија, Данска, Романија и Шведска. „Ако нашите интереси се целосно запоставени, не ја исклучуваме таа можност да го искористиме право на вето", коментира Латвиски премиер Валдис Домбровскис за латвиската телевизија. Во моментов Летонија добива 35% според  просекот на ЕУ земјоделски субвенции, а  земјата инсистира да стигне до сума од 80 отсто. Во предлог-буџетот сепак е предвидено ваквата стапкатие да стигне до 53%. Тоа ја налути земјоделците и незадоволните фармери од Латвија, Литванија и Естонија кои протестираат денеска во Брисел. Италија, пак, се заканува да го блокира евробуџетот ако тој е, како што наведуваат "е штетен за италијанските граѓани, не е избалансиран и не ги исполнува критериумите за солидарност и ефикасност", соопшти министерот за европски прашања на Италија, Енцо Моаверо Миланеси. Претходно овој месец Австрија исто така се закани со вето, ако се намалат земјоделските субвенции. Реалната закана сепак доаѓа од Велика Британија, чиј премиер Дејвид Камерон прв изрази несогласувањето со повеќегодишната финансиската рамка на ЕУ. Камерон инсистира трошоците во буџетот до 2020 година да бидат реално намалени, како и придонесот на неговата земја. Лидерите на 27-те земји од Унијата, денеска во Брисел дискутираат за висината на задничкиот буџет за периодот 2014-2020 година.