9-годишно Индијче почна да работи во Мајкрософт

Добивај вести на Viber

Момченце на 9 години, што се преселило од Индија во САД, беше вработено за вработено во компанијата и технолошки гигант, Мајкрософт. Откако со извонреден успех ги положи тестовите за инженерски сертификати, 9-годишниот Пранав Калјан стана најмладиот член на компанијата. Оттука, пренесоа дел од индиските медиуми, соперништвото меѓу Њу Делхи и Исламабад се засили уште повеќе бидејќи Индијчето му го зема местото на 12-годишното Пакистанче Бабара Икбалја што досега беше најмлад инженер во Мајктософт. Според експертите, ако компјутерските генијалци од Индија и Пакистан работат заедно, тие ќе најдат заеднички јазик за создавање на нови технолошки ремек дела на компанијата. Малиот Пранав отсекогаш бил талент на часовите по математика. На две години тој го добил својот прв лаптоп, а како што раскажува неговиот татко „секогаш бил заинтересиран за компјутери, наместо за играчки". На шест години, Пранав почнал да создава едноставни компјутерски програми, а наскоро потоа научил да прави диференцијални и интегрални пресметки. За да стане инженер на Мајкрософт, момчето работело на компјутер во текот на една и пол година по осум часа дневно, со исклучок на викендите и училишните распусти.