Адвокатот на кратовчанката која ги уби сопругот и свекорот: Класичен пример на жртва на повеќегодишно насилство

Канцеларијата на адвокатот Христијан Георгиевски ќе ја брани 33-годишната кратовчанка која со нож ги уби својот сопсруг и свекор. Тој за „Телма“ вели дека жената е класичен пример за семејно насилство и побара од судот да ја пушти од притвор.

Павникот открива дека секојдневно се пријавуваат сведоци во корист на кратовчанката за да ги убедат институциите дека таа била жртва на насилство пред да се одлучи да посегне по животот на двајцата мажи, во случајов син и татко.

Георгиевски вели дека поднесена е жалба притворот да се замени со поблага мерка., бидејќи како што вели, станува збор за школски пример на повеќегодишна жртва на семејство насилство. Трагите се видливи, според правникот, а двете малолетни деца се истрауматизирани.

- Жалба е поднесена во законскиот рок за замена со друга поблага мерка. Ќекаме одговор од Основниот суд Куманово. Ова е школски пример на жртви кои треба да бидат згрижени од државата и да им се обезбеди најдобрата одбрана, вели тој.

Основното јавно обвинителство Куманово пред една недела донесе наредба за спроведување истражна постапка против 36 – годишна жителка на Кратово, која е осомничена дека сторила кривичнo делo – убиство од член 123 став 3 во врска со став 2 точка 2 од Кривичниот законик. Според досегашните сознанија, претходно имало семејна расправа, а сопругот ја удирал со тупаници, потоа и ја давел жената. .