Агрокор потпиша стендстил договор со кредиторите

Добивај вести на Viber

Хрватски Агрокор и кредиторите на тој концерн потпишале стендстил договор, пренесе агенцијата Хина.

До потпишување на договорот дошло после состанокот на најголемите добавувачи на Агрокор во текот на викендот како и банките доверители кои работеле на „финално усогласување на техничките детали на стендстил договорот“,потврдиле за оваа агенција.

Стендстил аранжман, односно мораториум на постоечките банкарски обврски на Агрокор стапил на сила во петокот, а во наредните денови ќе дојде и до вбризгување на дополнителни средства во концернот, негово активно реструктуирање, што значи и промена на менаџментот, било најавено во петок после состанокот на банките и доставувачите на Агрокор.

Меѓу финансиските доверители на Агрокор се Ерсте банка, Економската банка на Загреб, Раифајзенбанк Австрија, Сбербанка, ВТБ банк (Австрија) и Забгребачка банка.

Целта на договорот е да се олеснат напорите на Агрокор да ја стабилизира работата и да осигура помирување на доспеаните обврски кон добавувачите во наредниот период, соопшти во петок Ерсте банка.

Премиерот на Хрватска Андреј Пленкови, ќе се состане утре со доставувачите на Агрокор, соопшти хрватската влада.