Акцијата на „Алкалоид“ злато вреди! Прочитајте зошто!

Добивај вести на Viber

Одлични вести за имателите на акции на „Алкалоид“. Акцијата злато вреди и треба да се чува затоа што генерира и ќе продолжи да создава профити. Овој пат потврдата дојде од реноминатата чешка инвестициска банка „Вуд енд компани“, и нејзините ЦФА аналитичари, специјализирана за акционерски друштва чии акции котираат на берзите на растечките пазари во Југоисточна Европа

Акцијата на најголемиот македонски фармацевтски производител „Алкaлоид“ вреди, треба да се има во портфолиото и треба да се чува. Оваа потврда стигна и од финансиските аналитичари на „Вуд енд Компани“ најреномираната инвестициска банка која е специјалист за компании од пазарите во развој на Југоисточна Европа меѓу кои припаѓаат досега и „Алкалоид“ и „Комерцијална банка“ од нашата земја заедно со акционерски друштва од Бугарија, Србија, Словенија, Хрватска и Романија.

По анализите на ЦФА сертифицираните специјалисти на „Вуд енд Компани“ нивното јавно објавено стручно мислење во анализата за „Алкалоид“ во најважни црти се состои од следново: „Алкалоид“ е акција која треба да се купува до ценовни нивоа до 13.600 денари за акција и потоа да се поседува односно да се чува. (Последната пазарна цена постигната со акцијата на „Алкалоид“ на нашата берза е за 1.000 денари пониска од таргетираната од експертите на инвестициската банка н.з.)

Како аргументи на кои ја темелат својата одлука аналитичарите на „Вуд енд Компани“ ги изнесуваат следниве: „Алкалоид сега и во иднина има и ќе има релативно силни и растечки приходи од кои ќе произлегува висока заработувачка (добивка н.з.) и тоа го проектираат во континуитет за наредните три до четири години. Во суштина овие проекции ги темелат на тековни и идни вложувања на „Алкалоид“ во нови производи капацитети од фармацевтската индустрија, од обнова на постоечките лиценци за производство на лекови, медикаменти и добивање нови лиценци. Со сите тие активности „Алкалоид“ создава реална и лесно предвидлива и одржлива основа за раст на приходите, зголемување на добивките и уште позасилена пазарна пенетрација на домашниот пазар, на регионалните пазари (каде важи за високо ценет бренд) и глобално на светкиот пазар.

Како можни ризици кои постојат аналитичарите ги наведуваат општите ризици кои важат за сите фармацевтски производители: можни легислативни регулаторни ограничувања од национални авторитети во областа на издавање дозволи и пуштање во промет медикаменти како и можни ценовно-курсни варијации на некои валути од мноштвото земји во кои извезува најголемиот македонски производител на лекови.

На некој начин оценката и препораката на ЦФА аналитичарите од „Вуд енд Компани“ ги потврдуваат ставовите кои редакцијата на „Фактор“ во континуитет ги изнесува во своите анализи, а се однесува на акцијата на „Алкалоид“. А тоа е синтетизирано во флоскулата дека акцијата на „Алкалоид“ вреди најмалку исто како и државна обврзница. 

Линк до анализата