Акционери побарале независна ревизија за работењето на Макпетрол

Добивај вести на Viber

Љубица Рубен, од друштвото за заштита на акционерски права, на вчерашното акционерско собрание на Макпетрол за 24 Вести тврди дека дел од акционерите биле против извештаите на компанијата Макпетрол, побарале објаснување за загубите и независна ревизија. Рубен вели дека исходот од ревизијата го чекаат  и потенцијални руски инвеститори кои, според неа, се заинтересирани за македонскиот нафтен гигант Макпетрол. Фактор вчера објави дека наводно руски инвеститор бил заинтересиран за влез во македонскиот нафтен гигант Макпетрол. Според информациите кои за нашиот портал ги потврди Љубица Рубен, која е претставник на рускиот инвеститор чие име сеуште не се открива, се работи за голем инвеститор од Русија кој е поврзан со руските државни енергетски компании и бил заинтересиран за купување на „Макпетрол“ и за инвестирање во областа на енергетиката во регионот. Сепак, официјална потврда за ваквата вест од „Макпетрол“ се уште нема.