„АКО ГО НАПАДНЕТЕ ТАЈВАН ВОЕНО ЌЕ ИНТЕРВЕНИРАМЕ“: Остро предупредување на Бајден до Кси Џи Пинг

Добивај вести на Viber

Американскиот претседател Џо Бајден изјави дека Соединетите Држави ќе одговорат воено доколку Кина насилно интервенира во Тајван, велејќи им на новинарите во Токио дека тоа е обврска што Америка ја презела.

- Видете, еве ја ситуацијата, се согласуваме со политиката на Една Кина. Ние го потпишавме и сите придружни договори направени оттаму, но идејата дека (Тајван) може да биде преземен со сила едноставно не е соодветна, изјави Бајден на новинарите за време на заедничката прес-конференција со јапонскиот премиер Фуми Кишидо во Токио, пренесува Си-Ен-Ен.

Соединетите Држави му обезбедуваат на Тајван одбранбено оружје, но намерно останаа двосмислени околу тоа дали да интервенираат воена во случај на кинески напад.

Според „политиката на една Кина“, САД признаваат, но не поддржуваат дека Тајван е дел од Кина.

Во изјавата по коментарите на Бајден во понеделникот, претставник на Белата куќа рече дека официјалната позиција на Соединетите Држави останува непроменета.

- Како што рече претседателот, нашата политика не е променета. Тој ја повтори нашата политика на една Кина и нашата посветеност за мир и стабилност преку Тајванското Море. Тој, исто така, ја повтори нашата посветеност според Законот за односи со Тајван да му обезбедиме на Тајван воена одбрана, рече официјалниот претставник.

„Политиката на една Кина“ е дипломатско признавање на позицијата на Кина дека постои само една кинеска влада.

Пекинг го повикува Вашингтон да биде внимателен

Тајван е неотуѓив дел од кинеската територија, Кина ќе преземе решителни мерки за заштита на својот суверенитет и безбедносни интереси и ги повикува Соединетите Држави да бидат внимателни во своите изјави и постапки кога станува збор за Тајван, изјави портпаролот на кинеското Министерство за надворешни работи Ванг Венбин.

Коментирајќи ја изјавата на Бајден, Ванг рече дека Пекинг ја повика американската страна искрено да се придржува до принципите на Една Кина и три кинеско-американски коминика. Тој додаде дека Кина ги повика Соединетите Американски Држави да се придржуваат до својата заложба да не ја поддржуваат независноста на Тајван, да бидат внимателни во своите зборови и постапки кога станува збор за Тајван и „да не испраќаат никакви погрешни сигнали до сепаратистичките сили во Тајван“.