Добивај вести на Viber
Колкупати досега сте се обиделе да си поставите дијагноза на интернет? Ги впишувате симптомите што ги чувствувате и се надевате да пронајдете од што боледувате и кој е лекот.
Експертите советуваат - со оваа навика престанете веднаш! Голем дел од текстовите за здравство на интернет се едноставно - неточни!
Предупредувањата особено се однесуваат на текстови од онлајн енциклопедијата Википедија. Истражувањето на научниците од американскиот Универзитет Кемпбел покажало дека 9 од 10 медицински статии на Википедија содржат погрешни информации.
Низа погрешни информации биле пронајдени во текстовите за
дијабетес,
рак на белите дробови,
болка во грбот, но и многу други. Во делот за висок крвен притисок било наведено дека „за потврда дека имате висок крвен притисок потребно е три пати да измерите дека притисокот ви е покачен“. Ова, според лекарите воопшто не е точно и може да доведе до сериозно одлагање на лекувањето.
„Грешките можеби не изгледаат големи, но можат да имаат сериозни здравствени импликации“, вели главниот автор на истражувањето д-р Роберт Хејсти. Тој ги повика лекарите да се ангажираат за да ги поправат грешките во отворената енциклопедија.