Ако не зборуваат англиски, нема лиценца за таксистите!

Добивај вести на Viber

Ќе се менуваат правилата за таксистите кои ќе мора во следните три години да научат англиски јазик. Така, со измените во Законот за превоз во патниот сообраќај, сите таксисти барем основен англиски ќе мора да научат до почетокот на 2017 година, ако сакаат да земат лиценца, најави денеска министерот за транспорт и врски, Миле Јанакиески кој додаде дека часовите ќе ги плаќа Министерството и општините и главно ќе бидат опфатени таксистите од главните туристички центри, Скопје, Охрид, Струга Со измените се предвидува и казна од 500 евра ако таксистот е паркиран на улица, односно надвор од обележаните стојалишта. Ако полицијата му изрече две казни, освен 500 евра ќе следи и одземање на лиценцата за работа. „Таксистите ќе имаат период од три години да се приспособат на оваа новина. Министерството во соработка со единиците на локална самоуправа во наредниот период ќе спроведат голем број обуки со цел да се понуди поквалитетен такси-превоз, пред се', во туристичките центри како Скопје, Охрид, Струга“, рече Јанакиески. Сега таксистите стравуваат за својата работа, како за тоа дали ќе научат англиски , така и од високите казни. Со најновите измени е предвидено и да се регулира превозот на ученици и други патници, да се постигне и обезбедување поквалитетен превоз за учениците,  но и да се категоризираат автобусите.