АКО ПАДНАТ СЕВЕРОДОЊЕЦК И ЛИСИЧАНСК ЈА ГУБИМЕ ВОЈНАТА: Зеленски објави лоши вести за Украина

Добивај вести на Viber

Украинските сили се уште се држат во источниот град Северодонецк, но руските сили се побројни, изјави претседателот на таа земја, Володимир Зеленски. Двете страни жестоко се борат и окупираат улица по улица, додека артилеријата оперира. Интензитетот на борбите во тој град, како и во блиската Лисичанск, ги направи „мртви градови“, изјави Зеленски, пренесува BBC.

Според руската страна, украинските војници се предаваат низ целата линија на фронтот кај Лисичанск, Северодоњецк и опколените места Горски и Золотоје, објави офицерот на Народната милиција на самопрогласената Луганска Народна Република (ЛНР), Андреј Марочко

„Во тек е предавање на целата линија на фронтот во оваа област, локално и масовно. Тука спаѓаат групата Лисичанск-Северодоњецк и групата Горскоје-Золотоје“, соопшти Марочко на руската телевизија, пренесува руската новинска агенција ТАСС.

Во областа Луганск, овие два града се единствените кои останаа под контрола на украинската армија. Со недели руската армија упорно се обидува да ги освои овие две места бидејќи тие се клучни за контрола на целиот Донбас.

Борбите се претворија во крвава и исцрпувачка војна, при што двете страни претрпеа големи загуби. Но, како што наведуваат западните медиуми, руските сили постигнале значителен напредок во последните две недели во Северодоњецк.