Активисти не го сакаат Лимак во Скопје, ќе го „ердоганизирале“

Добивај вести на Viber

Активистите од „Во одбрана на Дебар Маало“ со рекација дека не сакаат холдингот Лимак да инвестира во Скопје по стартот на изградбата на подземниот тунел и мултифункционалниот комплекс на местото на Јужен булевар, зад Рамстор мол.

Ги повикуваат истражните органи, вклучително и специјалното јавно обвинителство, да поведат истрага за изградбата на подземната улица и комплексот кај Старата железничка станица, каде што инвеститор е турската компанијана „Лимак холдинг“. Од иницијативата велат дека со двата проекта компанијата го оддалечува Скопје од исполнување на европските стандари за урбано живеење.

„Компанијата ‘Лимак’ не само што со овој проект ќе го претвори центарот на градот во неподносливо место за живеење туку воспоставува пракси на водење бизниси, кои се веќе видени во Турција. Имено, последниве 15 години ‘Лимак’ профитира од сомнителни зделки со владејачката партија во Турција и нејзиниот лидер Реџеп Таип Ердоган. Значи, ‘не’ за ердоганизација на градот, а „за“ за европско Скопје“, велат од иницијативата 

Од таму додаваат дека проектот ќе вклучува речиси 1.000 стана во 20-катници, со канцеларии, трговски центар, хотел, простор за слободни културни активности, каде што ќе биде сместен Музејот, ќе има места за јадење и пиење, фитнес-центар, казино и паркинг со капацитет за 2.000 автомобили и тоа ќе го прави тој дел од Скопје неподнослив за живеење.

Турскиот Лимак започна со изградба откако по шест години чекање ги доби сите дозволи за градба.