Ал Багдади во снимка ги повикува борците на ИСИС да не се предаваат-водачот на ИД е жив?
Објавено во: Свет 29 Септември, 2017
Водачот на групата Исламска држава Абу Бакр ал Багдади во аудиоснимка објавена денес ги повикува припадниците на таа група во Сирија и Ирак да „пружат отпор на непријателот“.
„Водачите и војниците на Исламска Држава се севесни дека за Божја милост и за победа мора да се изборат со трпение и пружање отпор на неверниците без разлика на нивното сојузништво“, истакнал водачот на ИСИС.
Не се знае кога е снимен тој говор кој го објави Ал Форукане, „продукциската куќа“ на ИСИС, а која објавува аудио и видео снимки од џихадистичката организација.
„Не се важни бројноста, опремата и силата“ на непријателот, истакнал лидерот на ИСИС кој веќе неколкупати го прогласуваа за мртов од 2014 година, кога почнал растот на таа група, а гласините не се потврдени.
Ал Багдади во говорот ги нападнал „неверничките земји, Америка, Русија и Иран“ кои со своите сојузници на терен одделно водат офанзива против Исламска држава во Сирија и Ирак.
САД ја проверуваат снимката на која е наводно Абу Бакр ал Багдади, но истакнуваат дека немаат причина да се сомневаат во нејзината веродостојност.
„Известени сме за ауфиоснимката која му се припишува на Абу Бакр ал Багдади и работиме на нејзина проверка“, рекол извор во разузнавачката служба. „Иако немаме причина да се сомневаме во нејзината веродостојност, тоа засега не можеме да го потврдиме“, се додава.
Ал Багдади последен пат се појави во гласило поврзано со неговата група во ноемри 2016 година.