Ана Брнабиќ со повод в понеделник доаѓа во Македонија
Објавено во: Македонија 21 Август, 2019
Премиерката на Србија Ана Брнабиќ в понеделник, 26 август, ќе престојува во официјална посета на Северна Македонија, информираа денеска од Канцеларијата за медиуми на Владата на Србија. Брнабиќ во Скопје ќе сретне со нејзиниот колега Зоран Заев, а пред посетата на Скопје, тие на граничниот премин Табановце – Прешево ќе го означат почетокот на работата на овој интегриран премин меѓу двете држави.
Предвиден е состанок на делегациите на двете влади и потпишување на повеќе договори за соработка, како и изјави за медиумите на премиерите Заев и Брнабиќ.