Ана Бунтеска: Писмото на Македонија
Објавено во: Македонија 08 Јули, 2022 12:45
Ако семката ти ја сотрат
Бел ден името да не ти види
Ветар коските да ти ги однесе
Главата удолу да ја сведниш
Длабоко до гуша во кал да пропадниш
Ѓоамити некој сака жив да те закопа
Ех...чоек во чоека не останува тогаш
Животот бадијала ќе ти изврви
Затворен во зандана од поганлаци
Ѕуница никојпат окото да не ти здогледа
И во душата само празен екот кој боли
Јалово станува сонцето кога себе се немаш
Кога згазени надежите умираат
Лагите кога вистина стануваат
Мака да тргаш оти кроток и арен си
На срцето несреќа да си ставаш
Њојно сечило да те пече
Од гркланот надолу за глас да немаш
Притиска неправдата која како обрач стега
Ровари во утробата неспокој
Страдни за глас кој ќе се вивне
Тишината за да ја скрши вековна
Ќумур да не ни се сторат поколенијата
Устата да не ни се зашие
Фенерите в куќи да не ни изгаснат
Храброста како руба да ја облечеме
Црвена и жолта за да светне иднината
Чоек да се сториш и чоек да се сторам
Џенем да не ни отиде гордоста
Широко нека биде небото над мојата земја
*њојно http://dijalekti.manu.edu.mk/pdf/Dijalektite_na_makedonskiot_jazik_1.pdf
За Женски магазин, поетесата Ана БунтескаМожеби ќе ве интересира
Дејан Манасков приведен во Охрид поради физички напад на противнички тренер
Од фирма од Битола до невладина од Скопје: кој стои зад „Зимзоленд“
ЌЕ СЕ ОДЛАГА ПРИМЕНАТА НА ЗАКОНОТ ЗА АДМИНСТРАТИВЦИ – службите не се подготвени, но додатоците на плата ќе се зголемат
СЕКОЈА ЗЕМЈА ИМА СВОИ ТОП СУВЕНИРИ: Што најчесто купуваат странците во Македонија?
Одреден е притвор за Стафа, а Љупчо Пецов - Ѓаволот е лицето за кого се обидел да поткупи судија
Отворен граничниот премин Богородица по четири часа блокада
Филипче повторно повика пратениците да ја потпишат декларацијата на СДСМ за мигрантите
МАКЕДОНИЈА ИМА СИЛА ДА БИДЕ НОРМАЛНА ЗЕМЈА: Тошковски вели дека сме станале вистински Европјани
„ВИСТИНАТА Е ДЕКА МИНАТАТА ВЛАСТ ИЗРАБОТИЛА НАЦИОНАЛНА СТРАТЕГИЈА ЗА ПРИФАЌАЊЕ МИГРАНТИ 2017-2027“: Мицкоски за темата со мигрантите
