АНА-МПА: Заев со успешни средби со Хеленик Петролеум, нафтоводот може да се активира на лето
Објавено во: Економија 14 Мај, 2021
Енергетските односи на Грција со Северна Македонија се надградени по контактите остварени за време на посетата на премиерот на соседната земја Зоран Заеф на Атина, објави грчката информативна агенција АНА-МПА.
„Според информациите, г-дин Заев се сретнал со администрацијата на Хеленик петролеум со главен предмет на разговори за повторно отворање на нафтоводот ЕЛПЕ што ја поврзува рафинеријата во Солун со таа во Скопје. Средбата, според истите информации, се одвивала во многу добра атмосфера. Изгледите за повторно отворање на гасоводот се создаваат дури на почетокот на летото, додека во контекст на дискусијата беше покрената можноста за понатамошни инвестиции на групацијата во соседната земја“, објави АНА-МПА.
Во областа на електричната енергија, се издвојува интересот на ППЦ за новиот хидроелектричен проект „Чебрен“, за кој грчката компанија ја помина втората фаза од тендерската евалуација.
„Тоа е проект со значителна моќност (333-458 MW) со проценето годишно производство од 1000-1200 GWh.
Како што е познато, ДЕСФА исто така планира изградба на доводен цевковод кон соседната земја со природен гас“, пишува агенцијата по посетата на Заев на Атина.