Аnanаs повторно доминира – 7 награди на E- commerce Awards 2024!

Добивај вести на Viber

На 12.03.2025, во хотелот Marriott во Скопје, се одржа престижната гала вечер посветена на најдобрите во македонската е-трговија – E-commerce Awards 2024. Ananas.mk повторно се издвои како апсолутен лидер, освојувајќи вкупно седум награди, со што уште еднаш ја потврди својата доминација на македонскиот онлајн пазар. 

Најмногу освоени награди – докажан квалитет и доверба 

Ananas.mk беше номиниран во осум категории, а успеа да триумфира со први места во шест клучни категории: 

Е-трговец на годината 

Најпопуларна е-продавница

Најдобар маркетплејс и мулти е-продавница 

Е-трговец со најдобра достава 

Најдобро присуство на социјални медиуми 

Најдобра е-продавница за дом, градина, мебел и канцелариски материјали 
 
А во една категорија го освои второто место: 

Второ место за најдобра грижа за корисници 

Неверојатен одзив од македонските потрошувачи – речиси 85.000 гласови! 

Процесот на номинации и гласање беше отворен за јавноста пред официјалниот настан, при што повеќе од 5.000 учесници активно гласаа за своите омилени брендови. Вкупниот број на гласови достигна 84.734, што ја потврдува големата ангажираност на потрошувачите и нивната доверба во квалитетот и услугата што ја нуди Ananas.mk. 

Овој успех не е само награда – туку и обврска! 

Освојувањето на овие престижни признанија е резултат на посветената работа на целиот тим на Ananas.mk, кој континуирано вложува во подобрување на корисничкото искуство, иновативни услуги и беспрекорна логистика. Овој успех не е само потврда за досегашната работа, туку и мотивација за уште поголеми успеси во 2025 година! 

„Овие награди се признание за довербата што ни ја укажуваат нашите потрошувачи секој ден, и за тоа сум неизмерно благодарен. Ananas.mk не е само платформа – тоа е заедница што расте, се развива и поставува нови стандарди во е-трговијата. Голема благодарност до сите што гласаа за нас и ни дадоа поддршка, но најголемата заслуга ја има тимот на Ananas – луѓето кои со својата посветеност, енергија и иновации го движат овој проект напред. Ова е заеднички успех и само почеток на уште поголеми достигнувања!“ – изјави Денис Ампов, Country Manager на Ananas.mk.