Андора- нова мета на рускиот капитал

Добивај вести на Viber

Рускиот капитал си најде ново засолниште, Андора во последните месеци стана ново место кое ги привлекува Русите. Банките во Андора отворија бројни сметки наменети за русите кои сакаат да ги преместат своите пари, пишува шпанскиот економски весник „Expansion“. Експертите веруваат дека Андора како „даночен рај“ за богатите граѓани на Русија со тек на време ќе го замени Кипар. Тоа е така бидејќи парите од руските граѓани пристигнуваат од кипарските банки, пренесува „Deutsche Welle“. Андора живее од странски туризам, ски патеките и банките кои се вкупно пет. Земјата не е членка на Европската унија, но нема своја валута и го користи еврото. Инвеститорите не плаќаат данок за своите банкарски сметки, освен граѓаните на некои земји од ЕУ со кои во Андора е потпишан договор за размена на даночни информации. Но, сите странци плаќаат 400 до 500 евра годишно за управувањето со сметката. Клиентите во документите од банките не се заведени под име и презиме, туку под соодветен број. Ваква сметка во Андора може да отворите за 15 минути.