АНТИВИРУСНИОТ ЛЕК ПАКСЛОВИД СТИГНА ВО СОСЕДСТВОТО: Србија е првата земја во континентална Европа која го доби лекот на Фајзер

Добивај вести на Viber

Првиот контигент од антивирусниот лек Paxlovid на Фајзер, еден од најмодерните лекови против корона вирусот, пристигна во Србија. Србија е првата земја во континентална Европа која го доби овој лек (го има само уште во Велика Британија), десет дена откако ЕМА (Европска агенција за лекови) одобри употреба и на овој лек.

Комисија на Министерството за здравство со која претседава проф. Д-р Горан Стевановиќ, директор на Клиниката за инфективни болести, направи дистрибутивен лист врз основа на кој лекот ќе се дистрибуира меѓу здравствените установи.

Паксловид е антивирусен лек кој содржи две компоненти ритонавир и нирматрелвир и е наменет за орална употреба. Индициран е за третман на инфекција со КОВИД-19, кај возрасни на кои не им е потребен дополнителен кислород и кои имаат зголемен ризик од прогресија во тешка форма на болеста. Се препорачува да се започне со употреба на лекот во првите пет дена по почетокот на симптомите.

На крајот на минатата година, Србија беше меѓу првите, заедно со Соединетите Американски Држави и Велика Британија, што потпишаа договор со претставниците на Pfizer за набавка на најдобриот лек против коронавирусот, кој го намалува ризикот од хоспитализација и тешки болести до до 89 проценти.

Министерот за здравство на Србија, д-р Златибор Лончар, сепак истакна дека вакцината останува основно оружје во борбата против вирусот, а дека лекот Паксловид е дополнителен напор на државата за зачувување на здравјето на граѓаните.

-Ние не се бориме некој да се разболи и да се лекува, туку се бориме тоа воопшто да не се случи, затоа луѓето треба да се вакцинираат и да не стигнат до фаза да мораат да користат каков било лек. Ова е дел од нашата одговорност како држава и успехот на државата што го ветивме и што го исполнуваме, рече Лончар.