Арапите испаднаа од играта, Кина се сврте кон Русите

Добивај вести на Viber

Изворот на руска нафта во Кина пораснал во јануари за 15 одсто бидејќи Кинезите во ист период го намалиле увозот од Саудиска Арабија.

Официјален Пекинг минатиот месец купил 3,36 милиони тони сирова нафта од Русија, што е 15 процентно зголемување во однос на истиот период лани, пренесува Раша тудеј.

Јануарскиот увоз на нафта од Саудиска Арабија е намален на 4,23 милиони тони од декемвриските 4,47 милиони тони, покажуваат податоците на кинеската царинска управа.

Кина исто така го намалила увозот на нафта од Ангола за 7,5 одсто (три милиони тони) во однос на истиот период лани, а од Казахстан за 15,7 одсто (354.000 тони).

Во изминативе години, руските произведувачи на нафта оствариле големи добивки на кинескиот пазар, а Русија, ја надминала Саудиска Арабија како најголем извозник на нафта во Кина.

Од 2010 година, Саудиска Арабија го зголемила извозот на нафта во Кина за околу 120 000 барели дневно, додека Русија успеала да го зголеми извозот за 550 000 барели дневно во истиот период. Една од клучните причини за тоа е, како што оценуваат аналитичарите, подготвеноста на Москва да го прифати кинескиот јуан како средство за плаќање.

Двете земји, исто така имаат програм на финансиска соработка, вклучувајќи го тригодишниот договор за размена на рубљата и јуанот, вреден преку 20 милијарди долари.