„Арапската пролет“ потопи 225 милијарди долари
Објавено во: Свет 15 Јануари, 2013
„Арапската пролет“ на Блискиот Исток и во Северна Африка чинеше 225 милијарди евра, пренесува Танјуг. Проценката е направена според прогнозите на Меѓународниот монетарен фонд (ММФ) кој во 2010 година најави дека економиите на Египет, Тунис и Либија заедно ќе остварат 2,2 билиони во периодот од 2011 до 2015 година. Сега тој показател е намален за десет отсто, што ги дава загубите од немирите во арапските држави.
Според ММФ, во октомври 2011 година загубите на арапските земји во кои биле најголемите граѓански немири изнесуваат 55 милијарди долари. Во Јемен штетата достигнала 5,4 отсто од БДП, во Тунис 5,2 отсто, а во Египет 4,2 отсто од БДП. Најголем удар доживеале Сирија и Либија чии загуби до крајот на 2011 година се 7,7 отсто односно шест милијарди долари.
Во април 2012 година генералниот директор на Либиската странска банка Мохамед бин Јусуф објави дека земјите од арапскиот свет поради револуцијата загубиле 75 милијарди долари.