Арсовски: Неспособноста доведе да нема суштински реформи во државата
Објавено во: Македонија 16 Јуни, 2019
Портпаролот на ВМРО-ДПМНЕ, Димче Арсовски во интервју за Алсат истакна дека денеска е 29 години од основањето на ВМРО-ДПМНЕ односно 29 години работа за Република Македонија, 29 години на страната на граѓаните и штитењето на националните и држaвните интереси.
Тој во однос на датумот за преговори за членство на Македонија во ЕУ посочи дека ВМРО-ДПМНЕ секогаш лобира и апелира дека Република Македонија одамна го има заслужено да го добие датумот за почеток на преговори со ЕУ.
„Нивната неспособност доведе да нема суштински реформи во државата, да не се работи за добробит на државата и за реформирање во рамките на овие барање на ЕУ и Европската Комисија и затоа не добивме ниту ова лето датум за преговори со ЕУ“, изјави Арсовски.
Тој додаде дека ВМРО-ДПМНЕ е подготвено во секој момент да го победи Зоран Заев.