АСТРАЗЕНЕКА ЧЕКА ЗЕЛЕНО СВЕТЛО: Вакцинацијата против корона вирусот може да почне уште од крај на декември
Објавено во: Свет 08 Ноември, 2020
Паскал Сориот, извршен
директор на компанијата АстраЗенека, која ја разви вакцината против корона
вирусот, изјави дека чекаат одобрување за почеток на вакцинацијата. Според него
вакцината против Ковид-19 може да биде подготвена за употреба кон крајот на
декември, и дека тие чекаат зелено светло за апликација на граѓаните.
-Регулаторите постојано работат со нашите податоци. Ако се брзи, кога ќе бидеме подготвени, можеме да започнеме со вакцинирање на луѓето во јануари, а можеби и кон крајот на декември. Можеби никогаш нема да заработиме пари, никој не знае колку често ќе треба да се вакцинираме. Ако вакцината е многу ефикасна и ако ги штити луѓето многу години и болеста поминува, тогаш нема да има пазар за нејзина продажба. Но, ако треба да се вакцинираме секоја година, тогаш можеме почнеме да заработуваме од вакцината од 2022 година, изјави Сориот, за шведскиот весник Dagens Nyheter.
Вакцината беше во последната фаза од тестирањето уште во септември, но тогаш беше прекината поради здравствен проблем на волонтер во Велика Британија. Сепак, први кои потпишаа договори со АстраЗенека за испорака на вакцините се Европската унија, Соединетите држави, Велика Британија, Јапонија и Бразил.