Автобусите и натаму ќе блокираат, а Ленин Јовановски се повлекува од протестите

Добивај вести на Viber

Ленин Јовановски од „Слобода превоз“ се повлекува од протестот на приватните превозници, но автобусите и натаму ќе го блокираат Скопје. 

Јовановски вели дека не сака неговото име да биде изговор за дефокус од вистинскиот проблем што го имаат приватните превозници и затоа се повлекува од протестот.

„Поради тоа што во изминатите денови секој ден се повеќе се споменува моето име Ленин Јовановски како клучен проблем и изговор на одредени и политички структури и интересни групи коишто се фокусираат на мене како личност и на ‘Слобода превоз’ и на некакви бизнис или лични интереси што исто така беа споменати во обраќањето на секретарот, јас од денеска во целост ќе се повлечам од мојата улога во овие протести за да помогнам и да не бидам изговор ниту јас ниту ‘Слобода превоз’ за нерешавањето на овој проблем“, вели Јовановски. 

Генералниот секретар на Град Скопје, Зоран Глигоров денеска обвини дека блокадите во главниот град се поради политички и лични интереси на поединци.

За изјавата на генералниот секретар на Градот кој рече дека има огромен интерес на јавниот повик за избор на нови приватни превозници за линиите со број 20 и 22, Јовановски вели дека не е точна.

Со денови има блокади на улиците во Скопје, поради долг кој градот го има кон „Слобода превоз“. Од Град Скопје вчера рекоа дека бизнисмени и политички партии не организираат протести.