Австрија ја вклучи армијата во пречекот на бегалците

Добивај вести на Viber

Австриската армија ќе употреби над 500 од своите војници во помош на бегалскиот бран соопшти министерот за одбрана на Австрија. "Ќе поставиме толку луѓе, колку што е потребно", рече Гералд Клуг, цитиран од агенцијата "Франс прес". Во Виена се одржа специјална седница на Владата за разгледување на мерки за справување со имиграциските текови кои доаѓаат главно од Унгарија и Италија. Војниците ќе помогнат со транспортот и снабдувањето на луѓето, со изградба на места за привремено сместување и со раздавање храна. Министерот за внатрешни работи Јохана Микл-Лаитнер прецизира дека засега војниците нема да се наоѓаат на границата и дека нивното дејство ќе биде само "крајна мерка". Кабинетот го постави поранешниот банкар Кристијан Конрад за "миграциски координатор" - претставник од кој одамна има потреба за поефикасна работа на институции и невладини организации. Австрија доживува тешкотии поради илјадниците бегалци и имигранти ова лето. Централниот пункт за обработка на документите во Траикихрен јужно од Виена е преплавен од луѓе и стотици од нив се принудени да ноќеваат под отворено небо. Федералната влада го обвинува раководството на поединечни провинции дека премногу се одложуваат во обезбедување на сместувањето. Само во првата половина бројот на засолнати ја надмина апликација целата мината година 28 300 лица. Прогнозите се дека на крајот на 2015 година нивниот број ќе достигне 80 000.