ВОЈНА ЈА СПРЕЧИЛА ДА ОДИ НА НАСТАВА: Италијанка на 93 години заврши средно училиште
Објавено во: Свет 03 Јули, 2024
Поранешната шивачка, 93-годишната Маријана Пејс конечно го заврши средното училиште, по 80 години откако Втората светска војна ја спречи да оди на настава. Оваа одлична ученичка беше најстариот член на Вечерното училиште во Беневенто во близина на Неапол. Таа е родена во малиот град Каноса ди Пуља, а се преселила во Беневенто во 1950-тите, поради брак, пренесуваат италијанските медиуми.
Семејството на Маријана имаше големи очекувања од неа, со оглед на нејзиниот дух и брилијантната интелигенција, што ја натера да се истакнува во сите училишни предмети. Нејзиниот татко и ветил дека ќе го продолжи образованието, дури и високото образование, но војната и семејните проблеми ја натерале да го прекине образованието во петто одделение од основно училиште.
Работела напорно за да може да го издржува семејството, постојано чувајќи надеж во срцето дека еден ден ќе го продолжи прекинатото образование.