АВСТРИЈА ОДЛУЧИ: За бурка следи казна, стоп за дистрибуција на Куран
Објавено во: Свет 17 Мај, 2017
Австрија забранува носење бурка на јавни места.
Во Парламентот е усвоен закон со кој се забранува носење облека во јавноста којашто целосно го покрива лицето.
Прекршителите од октомври оваа година ќе можат парично да бидат казнувани во износ од 150 евра.
Прогласените законски одредби се дел од опсежниот интеграциски закон, на кој австриската влада продолжува да работи, иако за во октомври се најавени предвремени парламентарни избори.
Во овој законски пакет усвоени се одредби со кои се забранува дистрибуцијата на Куранот. Имигранти се должни една година да учествуваат во процес на интеграција, кога ќе учат германски јазик и етика. Оваа мерка е насочена кон бегалците и барателите на азил, за кои постојат процени дека имаат добри шанси да останат во Австрија.
Од барателите на азил, се очекува подготвеност за волонтерска работа за јавното добро, а оние што тоа ќе го одбијат автоматски ќе ги изгубат стекнатите привилегии. Со овој законски предлог мигрантите би требало да станат посакувани работници кај австриските работодавци.
Казни за носење бурки има во Швајцарија и во Бугарија.