Австриски инвеститори во Македонија: Огромен јаз меѓу бизнис приоритетите и реалноста!

Добивај вести на Viber

Борбата против корупцијата, платежниот морал и ЕУ интеграциите се трите најважни услови за успешен бизнис, но Македонија реално не посветува сериозно внимание на нивното исполнување, сметаат австриските инвеститори во земјава. Во анкетата направена од страна на Австриската амбасада, бизнисмените од Австрија посочиле дека постои огромен јаз меѓу бизнис приоритетите и она што е реалноста во земјава. „Една општа забелешка е дека иако резултатите оваа година се полоши во споредба со минатата година, сепак оваа анкета е еден доказ за партнерството меѓу Македонија и Австрија и како партнер од доверба некогаш треба да ја кажеме и вистината“, изјави Герхард Шлатл, трговско аташе на Република Австрија во Република Македонија. Шлатл посочува дека она што е сега особено важно е политичката стабилност на земјата, и токму на тоа укажале и австриските инвеститори во Македонија. „Најважниот фактор е политичката стабилност. А таа има влијание врз долгорочното планирање на австриските компании и безбедноста во планирањето“, вели Шлатл. Иако, австриските инвеститори посочиле дека домашните добавувачи,  квалитетот на работната сила и достапност на човечки ресурси може да се оценат со високи оценки, сепак се посочува на проблемите со кои се соочуваат при водењето бизнис. „Од конечните резултати што ги добивме од анкетата не може да бидеме задоволни. Тука има подобрување на бизнис климата во некои полиња, но не во сите. А, треба да има подобрување во сите полиња, ништо помалку не сакаме“, изјави Штефан Петер, ЕВН Македонија. Една четвртина анкетираните австриски инвеститори, генерално, се песимисти за 2016 година во однос на минатата година, иако покажуваат оптимизам кога станува збор за состојбата во нивната компанија. [caption id="attachment_201107" align="aligncenter" width="627"] Според анализата, дури 58% од анкетираните сметаат дека оваа година ќе биде слична како и предходната, додека пак 23% од анкетираните сметаат дека годинава ќе биде малку полоша од претходната година, што укажува на зголемен песимизам, ако се погледнат очекувањата то ги имале во 2015 година споредено со 2014 година.[/caption] Австриските бизнисмени станале и песимисти во однос на нивните ставови за тоа дали Македнија прави доволно за привлекување на странски инвеститори. [caption id="attachment_201108" align="aligncenter" width="627"] Австриските бизнисмени не сметаат дека Македонија прави доволно за привлекување на странски инвеститори.[/caption]   Иако, 46% од анкетираните сметаат дека досегашниот развој на Македонија во однос на привлекување на странски ивеститори е задоволителен, сепак се гледа дека годинава за разлика од лани, се намалил процентот на австриски бизнсимени кои сметаат дека земјава е на задоволително ниво во однос на привлекување на странски директни инвестиции. Лани, ваков став имале дури 51% од анкетираните. Но, истовремено, се зголемил и бројот на оние кои сметаат дека за ова прашање Македонија треба да добеи незадоволотелна оценка. Па така, лани само 10% од анкетираните сметале дека Македонија може да добие незадоволителна оценка во однос на привлекување на странски инвеститори, а годинава тој процент е зголеме повеќе од двојно, и сега дури 23% од анкњтираните сметаат дека земјава е на незадоволително ниво по однос на ова прашање. Австриските бизнисмени, меѓу другото во анкетата посочуваат и дека за нив е особено важно, и приоритет на државата, покрај борбата против корупцијата и политичката стабилност, треба да биде и правната сигурност. Вкупната вредност на директните инвестиции од Австрија во Македонија, во 2015 година, изнесуваат 516,3 милиони евра со што Австрија е втор најголем инвеститор во земјава. Првата позиција ја зазема Холандија, а на третото и на четвртото место се Грција и Словенија. С.Н.