Автомобилот на Черчил продаден за скоро половина милион евра

Добивај вести на Viber

Уникатниот ретро автомобил, користен од поранешниот британски премиер Винстон Черчил за време на Втората светска војна, беше продаден на аукција во Германија за 470,050 евра. Репарираниот сребрено-црн „Daimler DB18 Drophead Coupi“ од 1939 година предизвика жестоко наддавање за време на аукцијата на eBay. Цената од едно евро, брзо достигна до 470, 050 евра по 114 понуди добиени за време на десетдневната аукција. Крајната цена е околу 16 пати поголема од оригиналната цена на возилото, објавија светските медиуми. Черчил го користел својот Дајмлер, за да ја води предизборната кампања од 1944 до 1949 година. Автомобилската компанија планирала да изработи 23 автомобили од моделот „DB18 Drophead“, но само осум биле завршени пред војната да го запре производството во фабриката во Ковентри. Четири автомобили биле уништени од паднати бомби врз фабриката за време на војната, еден бил многу оштетен и на крајот продаден како старо железо. Судбината на другите два автомобила не е позната. Автомобилит на Черчил има 2.5-литарски мотор, развива брзина од 60 км. на час за 17,9 секунди и има максимална брзина од 76 км. на час. Возилото има зелени кожени седишта и кров во чоколадна боја. Тој беше продаден од германската компанија „Fahrwerk Classics“ по реставрацијата од  170 000 фунти.