Банките повлекуваат пари, Хрватска и Србија во опасност

Добивај вести на Viber

Банката за меѓународни порамнувања (БИС) наведе дека од средината на 201-та до средината на 2012 година странски банки ја намалиле својата изложеност во шест земји од Централна и Источна Европа приближно 53 милјарди долари или 4,8 отсто од БДП-то во овие земји, пишува „Вечерњи лист“. Најголем пад (околу 40 отсто од споменатата сума) е забележан во Унгарија, што одговара на вредност од  14,2 отсто од БДП-то на Унгарија. Веднаш по Унгарија е Хрватска, каде што во една година изложеноста на странските банки падна 8,4 проценти на хрватското БДП. Ова укажува дека банките повлекле од Хрватска 27 милијарди куни (3,6 милјарди евра) повеќе отколку што претходно се мислеше. На трето место Србија, каде што странските банки се раздолжиле 7,7% од БДП, додека најголем добитник е Словачка, каде што се слеа капитал во вредност на 5,9% од БДП, пишува весникот. „Секое повлекување на  капиталот е порака до инвеститорите дека парите не можат да се оплодат и затоа треба да се пренесат во други земји. Ако овие податоци се точни, се чини дека инвеститорите проценуваат дека Унгарија, Хрватска и Србија се во опасност и дека нивната иднина е неперспективна “, вели Жељко Ловринчевиќ, аналитичар од Институтот за економија.