Банките во САД го поминаа првиот тест!
Објавено во: Економија 08 Март, 2015
Триесет и една најголема банка во САД помина низ првата фаза на регулаторни стрес тестови, објави американската централна банка
Сепак, трите водечки инвестициски банки - „Голдман Сакс“,„ЈП Морган Чејс“ и „Морган Стенли“, се најдоа меѓу најлошите, главно поради високата изложеност на пазарите на капитал, пренесува АФП.
Во стрес тестовите , односно во далокото преиспитување на финансиската состојба, сите банки покажале дека имаат способност да задржат повеќе од минималното основно ниво на капитал од 5,0 отсто, како би ги „преживеале“ загубите.
Ова ниво на капитал, според Банката на федерални резерви, е доволно да банките не ја оптоваруваат економијата и во кризни случаи да продолжат да ја поддржуваат економската активност, што не беше случај за време на кризата од 2008 година.
Стрес тестовите, сепак, покажаа дека инвестиционите банки се со највисока изложеност на пазарите на капитал токму оние кои се најслаби, така што основниот капитал на „Голдман Сакс“ паднал на 6,3 отсто, „ЈП Морган“ изнесува 6,5 отсто, додека „Морган Стенли“ за 6,2 проценти.
Ако се набљудуваат групно, американските банки сепак покажаа подобри резултати отколку од стрес-тестовите минатата година, и ова е прв пат од 2009 година, кога почнаа овие тестови, ниедна банка да не падне под нивото од 5,0 отсто од акционерскиот капитал.