Барак Обама продуцент на високо-буџетна серија?
Објавено во: Свет 09 Март, 2018
„Њујорк тајмс“ објави дека екс претседател на САД, Барак Обама, преговара со Нетфликс да продуцира високо-буџетна серија.
Изданието, цитирајќи добро информирани луѓе, пишува дека „според услови на предложен договор, кој се уште не е финален, Нетфликс ќе им плати на Обама и неговата сопруга Мишел за ексклузивна содржина што ќе биде достапна само на стриминг сервисот, којшто има околу 118 милиони претплатници низ светот“.
Тајна е информацијата колкав хонорар би зеле Барак и Мишел Обама како продуценти.
Се шпекулира дека Обама би можел да продуцира серија на теми што доминираа во текот на неговиот мандат, како здравствена грижа, правото на глас, имиграцијата, надворешната политика и климатските промени или теми за кои е заинтересирана Мишел, како нутриционизмот.
Инаку поранешната претседателска двојка на САД работи и на своите мемоари, за кои, според некои информации, добиле 60 милиони долари.