Бебе се роди во метрото во Мексико Сити, доби доживотно гратис возење
Објавено во: Стил 01 Мај, 2013
Откако едно бебе деновиве беше родено на станица на подземна железница во Мексико Сити, на подарок доби доживотно бесплатно возење со метро.
Мајката на новороденчето вчера тргнала со подземната железница до болница, кога ненадејно започнале контракции. Дваесет и две годишната жена се породила на влезот на една станица, а помош и пружиле лекарите на итна помош и вработените во метрото и полицијата.
Штом ја слушнал веста, градоначалникот на Мексико Сити, Мигел Анхел Мансера на својот профил на Твитер напишал дека малото момче ќе може да се вози со метро цел живот без пари.