БЕЛГРАД: Автомобил ја проби блокадата, удри студент и го носеше на хауба

Добивај вести на Viber

Автомобил ја проби блокадата во Белград, удри студент и го носеше на хауба. 

Студенти на Економскиот факултет во Белград соопштија дека денеска за време на нивната акција на улицата Караѓорѓева се случил инцидентот. 

Жената која го управувала автомобилот побегнала, а повредениот студент е пренесен во болница, пренесува Нова.рс.

„Студентот во моментов е во Ургентниот центар по интервенција на Брза помош. Нападот бил пријавен во полиција, која како сведоци повикала професор на Економскиот факултет и лице од студентската служба. Сведоците дадоа исказ во полициска станица“, велат студентите.

Студентите кои ги блокираа факултетите низ Србија, пред институциите изнесоа четири барања. Властите тврдат дека барањата се исполнети и не им е јасно зошто студентите уште протестираат. Студентите објавија уште еднаш прецизно што се нивните барања и што не е исполнето.

Четири заеднички барања на сите студенти во блокада се:

Објавување на комплетната документација за реконструкцијата на железничката станица во Нови Сад.

Отфрлање на обвиненијата против уапсените и приведените студенти и млади на протестите по повод падот на надстрешницата на железничката станица во Нови Сад.

Поднесување на кривични пријави против напаѓачите на студентите и професорите и нивно процесуирање.

Зголемување на средствата од буџетот на Србија за материјалните трошоци на државните високошколски установи за 20 проценти.