БЕШЕ НАЈСЛАТКОТО МОМЧЕ ШТО НЕКОГАШ СУМ ГО ПОЗНАВАЛ - идентификувани првите жртви од масакрот во Тексас

Добивај вести на Viber

Часови по масакрот во основното училиште во Тексас, почнаа да пристигнуваат информации за жртвите. Полицијата потврди дека загинале 19 деца и двајца возрасни, а неколку деца се тешко повредени.

Медиумите јавуваат дека се идентификувани првите жртви.

Узија Гарсија (8)

Узија Гарсија е осумгодишно момче убиено во нападот, потврди неговото семејство.

„Најслаткото момче што некогаш сум го познавал“, изјави неговиот дедо Мани Ренфро за Асошиетед прес. „И не го велам тоа само затоа што ми беше внук“, додаде тој, опишувајќи го она што го правеа на последните празници: „Почнавме да играме американски фудбал, а јас го научив да подава. Беше многу брз и можеше да фати многу. Вежбавме различни потези и тој добро се сеќаваше на сè“.

Ксавиер Хавиер Лопез (10)

Тој беше само 10-годишно момче кое уживаше во животот, без поим што ќе се случи денес. Беше вистински навивач, секогаш се шегуваше, сакаше да танцува со своите браќа, неговата мајка. Ова е многу тешко за сите ние“, изјави роднина на убиениот Ксавиер.

Неговиот братучед открил за ABC News дека момчето и неговата мајка биле на училиште само неколку часа пред нападот на доделувањето на наградите. Мајка му го видела последен пат.

Амери Џо Гарза (10)

Амери Џо наполни 10 години пред две недели, изјави нејзиниот татко Анхел Гарза.

„Ви благодарам на сите за вашите молитви и помошта да го пронајдам моето бебе. Таа е пронајдена. Мојата мала љубов сега лета високо со ангелите. Никогаш не земајте ништо здраво за готово. Особено времето што го поминувате со вашите семејства. Прегрнете го вашето семејство. Кажете им дека ги сакате. Те сакам, Амери Џо. Грижи се за твојот помал брат наместо мене“, коментира Гарза за ABC.