БЕСПЛАТНО ПАТУВАЊЕ НА СМЕТКА НА ЕУ: Ќе се доделуваат пропусници и во Македонија, еве кој може да ги користи
Објавено во: Економија 09 Април, 2025 07:20
Министерството за образование и наука информира за иницијативата на Европската комисија која нуди речиси 36 000 бесплатни патувачки пропусници низ Европа за млади од 18 години.
-Преку Програмата DiscoverEU 2025 Европската комисија им овозможува на избраните апликанти да патуваат со воз најмногу до 30 дена во периодот од 1 јули 2025 до 30 септември 2026 година, со цел културно истражување и едукативни доживувања низ Европа, објави МОН.
Право на аплицирање имаат лица родени помеѓу 1 јули 2006 и 30 јуни 2007 година, кои се жители на земји членки на ЕУ или на земји поврзани со програмата Еразмус+ (Исланд, Лихтенштајн, Македонија, Норвешка, Србија и Турција).
Крајниот рок за пријавување е среда, 16 април 2025 до 12 часот, преку Европскиот младински портал (https://youth.europa.eu/home_en). Пријавата вклучува проверка на исполнување на условите и краток квиз за ЕУ, по што следува електронска апликација.
-Пропусниците ќе бидат доделени врз основа на ранг-листа, сè додека не се потрошат сите. Учесниците можат сами да го осмислат своето патување или да изберат една од предложените тематски маршрути инспирирани од приоритетите на ЕУ, како што се Зелената рута (која вклучува наградени зелени градови и природни паркови) и рутите на Новиот европски Баухаус (фокусирани на иновации, одржливост и урбан дизајн). Дополнително, добитниците ќе добијат попуст-картичка што важи во 36 земји и нуди попусти за превоз, сместување, културни локации, храна, спорт и други активности, се набедува во известувањето.
Програмата нуди специјална поддршка за млади со попреченост, здравствени состојби или ограничени можности, како и дополнителна логистичка помош за апликанти од рурални, островски или оддалечени региони.
Можеби ќе ве интересира
Убави вести за акционерите на „Макпетрол“! За три месеци добивката е 2,78 милиони евра
ЕВЕ КАКО РАБОТЕЛЕ ФИРМИТЕ ЧИИ ГРАДЕЖНИ ЛИЦЕНЦИ НАЈАВИ ДЕКА ЌЕ ГИ ОДЗЕМА МИНИСТЕРСТВОТО ЗА ТРАНСПОРТ - 49 од нив имаат актуелни договори за јавни набавки
ПОВЕЌЕ ОД ЕДНА МИЛИЈАРДА ЕВРА ЌЕ БИДАТ ВЛОЖЕНИ ВО НОВИ ХОТЕЛИ: Во Хрватска доаѓаат Хајат, Хилтон, Мериот, Акор...
ПРОДОЛЖИ ДА ПАЃА ПРОДАЖБАТА НА ТЕСЛА: Еве што се случува
Финансиска полиција откри „семкар“ кој затаил 200.000 евра
Атлантик Група: Силен раст на продажбата и профитабилноста под притисок на високите цени на кафето и какаото
КИНА И САД ИМААТ МОЖНОСТ ЗА ИСТОРИСКИ ДОГОВОР: Американскиот министер за финансии рече: „Ајде да го направиме тоа заедно“
Во јавно претпријатие кое работи со загуба, исплатата на плати се зголемила за 12 отсто
РАСТЕ ПЕСИМИЗМОТ: Секоја трета германска компанија планира отпуштања
